LUZ NA TERRA

 O alumnado de bacharelato ampliou o seu coñecemento coa exposición titulada Luz na Terra. Unha visita guiada realizada no Gaiás sobre o Seminario de Estudos Galegos (SEG), unha institución de alta cultura da que se cumpre o centenario do seu nacemento e que rematou traxicamente coa sublevación militar fascista de 1936.

Tamén accedeu ás instalacións da Biblioteca de Galicia onde  se complementa a exposición co labor das mulleres do SEG, ben como socias activas, ben como protectoras ou usuarias da súa biblioteca.

Complementouse a visita cunha didáctica explicación do proxecto do arquitecto norteamericano Peter Eisenman, unha visita á instalación A inauguración de Joel Blanco unha festiva exposición sobre a historia das orquestras en Galicia.

ILUSTRACIÓN

 Rematou a exposición física na biblioteca das láminas de Mayte Alvarado e Carles Dalmau, que podemos seguir desfrutando no seguinte vídeo ou lendo as súas obras.

SAMAÍN

 A biblioteca recomenda lecturas de medo para a conmemoración do Samaín.

Día das Bibliotecas

 Este ano o lema elixido Tecendo Comunidades pretende destacar o papel fundamental que desempeñan as bibliotecas como centros de conexión e aprendizaxe, onde as historias, as experiencias e os coñecementos son os fíos que nos unen.

E dende a nosa biblioteca queremos achegar mostras desa comunidade tecedora que de xeito voluntario elaborou materiais para a formación de persoas usuarias.

Seccións na biblioteca

Catálogo virtual

Etiquetas dos fondos

Distintivos de cores

MEDULA

 O alumnado de 3º de ESO e de Literatura Universal de 1º bacharelato participou hoxe no espectáculo poético-musical Medula de Cristal Méndez e Polonio. Unha reflexión sobre a violencia exercida no mundo contra as mulleres. 

Textos creados e interpretados por Cristal con protagonistas femininas, como a Tía Rabina, a muiñeira viguesa de orixe ourensá ou a moza que se libera do seu maltratador. E a música e o soporte audiovisual achegados por Polonio para crear a atmosfera precisa, na que salientou o uso do theremín, que xenerosamente nos deixou probar.

Un pracer contar coa súa presenza.

Cartel de Uxía Fernández e Noa Martínez

O GALEGO E AS REDES SOCIAIS

 O alumnado de bacharelato e 4º de ESO gozou hoxe coa amena presentación de Borxa González, fundador de Orgullo Galego, a comunidade en galego máis grande de  Internet, que demostra que crear contido en galego non é limitador e que o galego non ten fronteiras cun repaso ás redes sociais máis populares no momento.

Cartel de Thalía Rodrigues