O alumnado do Club de lectura Pasamos Páxina asistiu aos faladoiros literarios organizados polo Concello de Ourense onde debateu, con alumnado doutros centros de secundaria da provincia, sobre os temas de As alumnas, obra dramática de Paula Carballeira.
A continuación, tivo lugar o encontro coa autora que respondeu todas as preguntas do alumnado e rematou cunha amena contada. Parabéns ás/aos participantes!
Reúnense os membros do club de lectura, Pasamos Páxina, para recoller o exemplar d'As alumnas de Paula Carballeira, Premio Nacional de Literatura Dramática 2023, e que é a obra elixida para o faladoiro en galego das Tertulias Literarias do Concello de Ourense.
O alumnado do Club de lectura Pasamos Páxina participou nas Tertulias literarias do Concello de Ourense. Na xornada debateron sobre a novela Lugar seguro con alumnado doutros clubs de lectura da provincia e encontráronse con seu autor Isaac Rosa.
Reúnense os membros do club de lectura para repartir os exemplares de Lugar seguro de Isaac Rosa, a novela elixida para os faladoiros das Tertulias Literarias organizadas polo Concello de Ourense.
.jpg)
Reúnese o Club de lectura Pasamos Páxina para iniciar a lectura de Golpes de luz de Ledicia Costas, obra elixida para as Tertulias literarias do Concello de Ourense que agasalla ao alumnado con cadanseu exemplar.
O alumnado do Club de lectura acudiu o xoves pola tarde ao encontro con David Trueba, no Liceo ourensán.
O autor de El río baja sucio, novela compartida nos faladoiros literarios, respondeu todas as cuestións propostas, ampliando os puntos de vista. A contaminación medioambiental, as relacións humanas, a hipocrisía son temas presentes, pero a idea principal que pretende transmitir é que a vida é sucia e cómpre saber nadar para subsistir intentando non aumentar a sucidade existente.
Os membros do club de lectura Pasamos Páxina, con alumnado de 4º ESO, acudiron aos faladoiros organizados polo Concello de Ourense. Con outros clubs de lectura de centros da provincia desfrutaron compartindo e debatendo ideas que suscitaron os temas do libro El río baja sucio de David Trueba.
Parabéns a todas persoas implicadas na actividade!
