Estreamos bibliotecas!

 Un ano máis achégase o Día da Biblioteca, que se conmemora dende 1997 por iniciativa da Asociación Española de Amigos do Libro Infantil e Xuvenil, apoiada polo Ministerio de Cultura, para lembrar a destrución da Biblioteca de Sarajevo, incendiada en 1992 durante o conflito dos Balcáns.

Le o pregón redactado por Patxi Zubizaleta, Premio Nacional de Literatura Infantil e Xuvenil 2023, e ilustrado por Laia Giménez Buenaventura, gañadora do Premio Lazarillo 2024 na modalidade de álbum ilustrado.

Biblioteca escolar, acelerador de innovación

Comeza un novo curso e a biblioteca prepárase para recibir os nosos lectores e lectoras. Moitas son as ilusións e accións programadas para que, coas achegas de toda a comunidade, continúe a renovarse a activarse.

Na medida das nosas posibilidades, tentaremos facer noso o lema do cartel, con ilustracións de Andrés Meixide, editado co gallo da celebración do mes da biblioteca escolar (outubro) e do Día da Biblioteca (24 de outubro).

Saúdos, lectoras e lectores do IES San Mamede!

CLUB DE LECTURA

PASAMOS PÁXINA BUSCA LECTORAS/ES PARA COMPARTIR EMOCIÓNS, SENTIMENTOS, COÑECEMENTOS, DIVERSIÓN ... E CANTO TI QUEIRAS ACHEGAR.