Un curso máis, o alumnado do club de lectura Pasamos Páxina acode ás Tertulias Literarias de Ourense para compartir a lectura con adolescentes doutros centros da provincia. Nesta ocasión, os compañeiros foron as alumnas e alumnos do IES Eduardo Blanco Amor de Ourense.
A obra de Clara Sánchez, Lo que esconde tu nombre, Premio Nadal 2010, proporcionou moitos aspectos para comentar, tanto os relativos ao punto de vista, estrutura e caracterización dos personaxes, coma os referentes aos temas: nazismo, neonazismo, memoria, xustiza e amor. E as lectoras e lectores dos dous centros participaron activamente. Parabéns a todas e todos.
