Por segundo ano consecutivo a biblioteca escolar do IES San Mamede realizou a actividade Rede de bibliotecas co alumnado de 1º ESO para coñecer as instalacións da biblioteca pública de Maceda e converterse en socios da mesma.
Con Avelina, que recolleu os impresos para xestionar os carnés do alumnado, leron uns fermosos textos que reflexionan sobre as posibilidades que ofrecen as bibliotecas, coñeceron o horario de apertura e pousaron para as fotos.
