POSTAIS DE NADAL

O alumnado de 1º e 2º ESO elabora postais de Nadal, co programa LibreOffice, para enviar mensaxes con recomendacións literarias ou con lemas pola igualdade e a eliminación da violencia de xénero.

 

CONTRA A VIOLENCIA MACHISTA

Conmemoración do Día contra a violencia de xénero.

SAMAÍN

Chega o Samaín e o alumnado de 1º ESO traballa o campo semántico do medo para elaborar os seus  Alfabetos terroríficos. A biblioteca expón fondos para todos os cursos coa mesma temática.

VISITA AO PAAR DE CAMPO LAMEIRO

No Parque Arqueolóxico de Arte Rupestre de Campo Lameiro, o alumnado de 2º ESO visita a área arqueolóxica e participa no obradoiro Graffitis da Prehistoria.

LER CONTA MOITO

O alumnado de 1º ESO visita a Biblioteca Pública de Maceda para coñecer os servizos que oferta e escoitar os contos de igualdade de Cris de Caldas, Eu conto, ti contas ... ELAS contan!, unha actividade do programa Ler conta moito organizada pola biblioteca pública e a biblioteca escolar.

 

VOLUNTARIADO

Remata o curso e o traballo do alumnado voluntario que colaborou na xestión e dinamización da biblioteca escolar. Parabéns a todas e todos.

CORRELINGUA

Biblioacollida

Tivo lugar a acollida do alumnado de 6º de Educación Primaria, un primeiro contacto co seu futuro centro, e tamén coa biblioteca onde foron agasallados cun folleto informativo sobre os seus servizos e zonas, cunha roseta da CDU e un marcapáxinas. Para elas e eles, este poema de Ana María Fernández.

 

María Victoria Moreno

O alumnado colaborador da biblioteca, de 1º Bacharelato, vén de elaborar un formulario sobre a autora homenaxeada no Día das Letras Galegas, Mª Victoria Moreno. 

Busca información, responde o cuestionario e participa no concurso. Boa sorte!

MES DAS LETRAS GALEGAS

Comeza o mes das Letras co agasallo do EDLG para o fomento do uso da lingua galega.

 

 

ENCONTRO CON HÉCTOR CAJARAVILLE

Tras a lectura das obras de Héctor Cajaraville, A caixiña dos rancores, O segredo da casa de Formoso e Once portas, o alumnado de 3º e 4º de ESO e de 1º Bacharelato tivo o pracer de encontrarse co autor das novelas e poder conversar con el sobre o proceso creativo e os pormenores de cada obra. A continuación, asinou e dedicou os exemplares das lectoras/es e recibiu como agasallo algunhas das ilustracións que as rapazas/es elaboraron despois da lectura.

DÍA DO LIBRO

Recollemos do blog de bibliotecas escolares o texto de Fran Alonso para a difusión do Día do Libro.

E achegamos tamén a versión actualizada de "Cinco motivos para ler poesía"

 

DÍA DO LIBRO

O alumnado de 1º ESO conmemora o Día do Libro lendo e ilustrando Leonardo e os fontaneiros de Mª Victoria Moreno.

 

AS NOSAS MULLERES

Para conmemorar o Día da Muller, o alumnado de 3º ESO achégannos retallos da vida das mulleres máis próximas, anónimas na historia pero fundamentais no seu contorno.

Día Da Muller

Publish at Calameo

Día Da Muller

Publish at Calameo

DÍA DA MULLER