MEDULA

 O alumnado de 3º de ESO e de Literatura Universal de 1º bacharelato participou hoxe no espectáculo poético-musical Medula de Cristal Méndez e Polonio. Unha reflexión sobre a violencia exercida no mundo contra as mulleres. 

Textos creados e interpretados por Cristal con protagonistas femininas, como a Tía Rabina, a muiñeira viguesa de orixe ourensá ou a moza que se libera do seu maltratador. E a música e o soporte audiovisual achegados por Polonio para crear a atmosfera precisa, na que salientou o uso do theremín, que xenerosamente nos deixou probar.

Un pracer contar coa súa presenza.

Cartel de Uxía Fernández e Noa Martínez

ENCONTRO CON BERTA DÁVILA

 No Salón Rosalía de Castro produciuse o encontro con Berta Dávila que respondeu as preguntas das lectoras e lectores de Un elefante na sala de estar e asinou os seus libros. 

 Unha charla amena e ilustrativa sobre o proceso creador, os temas, os personaxes e o obxectivo final da súa novela.

UN ELEFANTE NA SALA DE ESTAR

 O alumnado de 3º e 4º ESO, despois da lectura e posta en común de Un elefante na sala de estar, achega as súas producións para o encontro coa súa autora, Berta Dávila.

DÍA DA MULLER

 O alumnado de 2º e 3º ESO achegan os seus traballos sobre investigadoras galegas de diferentes disciplinas e sobre deportistas destacadas.

CUMPRIUSE A XUSTIZA

O alumnado de 2º e 3º ESO presenta as súas colaxes co título Que diría Rosalía? para dar a coñecer as inxustizas actuais.

 

NON Á VIOLENCIA DE XÉNERO

 O alumnado de 3º ESO crea cantigas, imitando os trobadores medievais, para expresar o desexo dun amor san, sen violencia, sen control, sen posesión.

Crea o teu relato!

 O alumnado de 3º ESO gozou co obradoiro de creación narrativa impartido por Andrea Barreira Freije, unha actividade do programa Ler conta moito. 

ENCONTRO CON EVA MEJUTO

 Eva Mejuto visita o IES San Mamede para encontrarse co alumnado de 3º ESO que leu a súa novela 22 segundos. A autora compartiu co seu lectorado a orixe da idea para escribir a primeira novela galega que trata sobre as persoas trans, a súa intencionalidade, as fontes de información manexadas e as decisións técnicas no proceso de creación.

 O alumnado achegou á xuntanza os carteis confeccionados con GIMP que, ademais de imaxes da novelista e da cuberta do libro, recollen citas da obra.

VISITA Á CASA DOS POETAS

 O alumnado de 3º e 4º de ESO viaxa a Celanova para coñecer a Casa dos Poetas, a igrexa e claustros do mosteiro de San Salvador e a biblioteca do IES Celanova. Ademais escoita o órgano da igrexa grazas á colaboración da profesora Irma Fernández e recita poemas de Manuel Curros Enríquez e Celso Emilio Ferreiro. E, finalmente, descobre a aula onde se gravou a serie El desorden que dejas de Carlos Montero.