NADAL GASTRONÓMICO

Tras a lectura de receitas, o alumnado de 1º ESO elabora o proxecto escrito do 1º trimestre, unha receita da que se indica a fonte de información, na maioría dos casos familiar, e expóñense os traballos elaborados con Microsoft Publisher no taboleiro do vestíbulo do centro. No festival de Nadal, entréganse os premios do Equipo de Dinamización da Lingua Galega aos traballos seleccionados.

CARTAS DE INVERNO

O alumnado de 2º ESO, tras a lectura de Cartas de inverno, produce os seus cómics como proxecto escrito do 1º trimestre na materia de Lingua Galega e Literatura.

XELA VOLVEUSE VAMPIRA

No Club de lectura de aula de 1º ESO, o obxectivo é ler pola Igualdade para evitar a violencia de xénero. Logo da reflexión, o alumnado produciu carteis para loitar contra a violencia machista.

Imaxes

VACACIÓNS LECTORAS

Achéganse as vacacións de Nadal e a Biblioteca anima a comunidade educativa a levar lecturas e películas para o tempo de lecer, dende os taboleiros do centro e dende a conta de twitter.