A muller na ciencia

 Alumnas e alumnos de 1º bacharelato achegáronse a unha selección de científicas e inventoras da man das integrantes de Academia As Curuxas. Tras varias dinámicas de grupo, o momento para as preguntas que inician a reflexión sobre a situación da muller na ciencia: 

• Os atrancos e discriminacións sufridas por científicas como Rosalind Franklin, Gerty Cori ou Chien-Shiung Wu son feitos do pasado? 
• É o machismo da sociedade o causante desas desigualdades? 
• E, no presente, cal é situación?

    

MONÓLOGO "STOP MACHISMO"

 Damián Alonso presenta para o alumnado de 4º ESO e 1º bacharelato o monólogo Stop machismo, homofobia, transfobia e xenofobia. Unha actividade organizada pola biblioteca escolar para o fomento da igualdade e o respecto á diversidade.

Asiste tamén Mª José Garrido, a responsábel en Galicia da asociación Euforia Familias Trans-Aliadas.

ENCONTRO CON HÉCTOR CAJARAVILLE

Tras a lectura das obras de Héctor Cajaraville, A caixiña dos rancores, O segredo da casa de Formoso e Once portas, o alumnado de 3º e 4º de ESO e de 1º Bacharelato tivo o pracer de encontrarse co autor das novelas e poder conversar con el sobre o proceso creativo e os pormenores de cada obra. A continuación, asinou e dedicou os exemplares das lectoras/es e recibiu como agasallo algunhas das ilustracións que as rapazas/es elaboraron despois da lectura.

X Xornada dos Clubs de lectura

O sábado 17 de xuño participamos na X Xornada dos Clubs de lectura, celebrada no Palacio de congresos e exposicións de Santiago de Compostela, cun amplo programa de obradoiros destinados ao alumnado participante e actividades para compartir experiencias e lecturas. E nós tamén nos somerxemos na Festa da Lectura.

Para ver máis:

http://etikeles.blogaliza.org/2017/06/19/nas-x-xornadas-dos-clubs-de-lectura/

Entradas en Twitter co cancelo #Xclubslecturagal

Fotografías en Twitter co candelo #Xclubslecturagal

Vídeos en Twitter co cancelo #Xclubslecturagal

Emisións en directo en Twitter baixo o cancelo #Xclubslecturagal

Un dos intres máis emotivos na sesión final con Xabier Díaz & Adufeiras de Salitre

As galas do defunto

O alumnado de 4º de ESO e de Literaturas Hispánicas de 1º Bacharelato asistiu á representación de As galas do defunto de Valle-Inclán levada ás táboas polo Centro Dramático Galego.

Gloria Fuertes

No mes do Libro o alumnado de Literaturas Hispánicas de 1º Bacharelato expuxo no corredor da Biblioteca o traballo elaborado sobre Gloria Fuertes e no expositor de Novidades pódense atopar as súas obras.

Tertulias literarias

As alumnas do Club de lectura participaron xunto con outros clubs da provincia na tertulia literaria de Ourense coa novela El desorden que dejas de Carlos Montero. Ao finalizar a tertulia tivo lugar o encontro co autor que respondeu todas as cuestións do alumnado.

Tertulias Literarias

As alumnas do Club de lectura de Bacharelato veñen de participar nas Tertulias literarias organizadas polo Concello de Ourense sobre a novela As horas roubadas de María Solar e no encontro coa autora.

ENCONTRO CON DIEGO AMEIXEIRAS

O alumnado de 4º ESO, 1º e 2º Bacharelato asisitiu ao encontro con Diego Ameixeiras, autor das obras de lectura común do terceiro trimestre na materia de Lingua Galega e Literatura.

TERTULIAS LITERARIAS DE OURENSE

O alumnado do club de lectura de 4º ESO e 1º Bacharelato volven a Ourense para participar con outros clubs da provincia nas Tertulias literarias onde compartiron reflexións sobre a forma e os temas de O derradeiro libro de Emma Olsen e logo asistiron ao encontro con Berta Dávila, a autora da novela.

ENCONTRO CON YOLANDA CASTAÑO

Organizado en colaboración coa Biblioteca Pública e o Equipo de Dinamización da Lingua Galega, tivo lugar o encontro da poeta Yolanda Castaño co alumnado de 4º ESO, 1º e 2º Bacharelato no Salón Rosalía de Castro.

TERTULIAS LITERARIAS OURENSE

O alumnado do Club de lectura de 4º ESO e 1º Bacharelato vén de participar en Ourense nas Tertulias que organiza o Concello arredor da obra La ley del menor de Ian McEwan, xunto cos clubs de lectura do IES Lagoa de Antela, IES Cidade de Antioquía, IES de Allariz e IES O Ribeiro.

SEARCHING FOR THE TOURIST

Last 20th May the group of 1st Bachillerato spent the day in  Santiago de Compostela interviewing  pilgrims and tourists from all nationalities.

We had a good day! 

Here are some of the students’ comments.

TERTULIAS LITERARIAS

Tras a lectura de El lector de Julio Verne, as alumnas do club de lectura de 1º Bacharelato acoden a Ourense para reunirse no Liceo con lectoras e lectores da obra de Almudena Grandes e así nolo contan.

Pareceunos unha actividade moi interesante. Axudounos a comprender mellor a novela e ter o testemuño de alguén que experimentou en primeira persoa a vida dentro dun cuartel da Garda Civil, igual que o protagonista, fíxonos comprender a veracidade da historia de Nino. Sorprendeunos a espontaneidade e a naturalidade da tertulia e gustounos a falta de presión para intervir, xa que ao comezo estabamos algo cohibidas.
Recomendamos o club de lectura xa que os libros son interesantes e, xeralmente, amenos e as tertulias espontáneas e divertidas.

EL LECTOR DE JULIO VERNE

As alumnas do Club de lectura de 1º Bacharelato están rematando de ler El lector de Julio Verne de Almudena Grandes. Posteriormente participarán nas Tertulias literarias de Ourense.

Velaquí uns momentos da presentación do libro editado por Tusquets Editores. 

.

A FORMA DAS NUBES

O club de lectura de 1º Bacharelato, da man de Yolanda, xa comezou a lectura da novela de María López Sández. As súas integrantes (Xiana, Iria, Leticia, Andrea, Rebeca, Natalia e María) poderán gozar coma quen contempla as nubes para recoñecer nelas figuras do mundo real, un xeito de fuxir do desamparo que por veces nos deita a vida.

Podemos ler máis no Blog da biblioteca do IES Porto do Son.

                                                 

ENCONTRO CON NÚÑEZ SINGALA

O alumnado de 4º ESO e 1º Bacharelato encóntrase con Manuel Núñez Singala para xuntos degustar algúns dos pratos que nos ofrece Menú de enganos, lectura común do primeiro trimestre na materia de Lingua Galega e Literatura.

Despois da presentación, o maître demandou do auditorio os pratos preferidos, pero tamén os menos apetitosos, e a carta foise abrindo para achegarnos o proceso creativo do cociñeiro nalgún dos seus manxares.

PARA PICAR, a intención de "Conmutador" e "A morte do caniche". De ENTRANTES, o valor humano que supón o recoñecemento dos nosoutros en "Elocuencia". Nos PRIMEIROS, deleitámonos con "O comezo das vacacións", "Equilibrio de forzas" e "O tobo". E dos SEGUNDOS saboreamos "A rapaza do bikini verde", "O inhalador" e "Solidariedade occidental".

Que bo nutrimento para o espírito! Só faltou tempo para unha sobremesa repousada.

Insertar en Blog - tarjetas virtuales

CONCERTO POLA BIBLIOTECA

Queremos compartir a actuación dos compañeiros de 1º Bacharelato que nos fixeron gozar na celebración do Día da Biblioteca. Beizóns para ela e eles!

ENCONTRO CON XOSÉ MIRANDA

No Mes do Libro continúan as actividades no centro e desta volta coa presenza dun escritor consagrado da literatura galega que nos deleitou a todos os presentes.

A presentación do autor realizouna o alumnado de 3º ESO, que leu Pel de lobo, e o de 4º ESO e 1º Bacharelato con Morning Star como lectura común do 2º trimestre na materia de Lingua Galega e Literatura. 

A continuación Xosé Miranda, cunha elegante lucidez analítica, compartiu cos seus lectores e lectoras a intencionalidade das súas obras, a necesidade dunha rigorosa documentación para abordar as narracións, a caracterización dos personaxes, as fontes ... e respondeu todas as cuestións e dúbidas que lle trasladou o alumnado. E, entremedias, Miranda foi pousando no auditorio o valor de dúas actitudes vitais necesarias tamén no proceso creativo: a autoestima polo propio e a práctica da escoita activa.