PERCORRIDO LITERARIO

 Os departamentos de Lingua e Literatura, Castelá e Galega, organizan un percorrido literario polas vilas de Rianxo e A Pobra do Caramiñal para achegarse ás figuras de Castelao, Dieste, Manuel Antonio e Valle_Inclán.

RIANXO LITERARIO

 O departamento de Lingua Galega e Literatura organiza un percorrido literario pola vila de Rianxo, berce de tres clásicos das letras do século XX: Castelao, Dieste e Manuel Antonio.

DÍA DE ROSALÍA

 O alumnado de 2º bacharelato crea centóns con versos de Rosalía, aos que lle pon un título propio.

NON Á VIOLENCIA DE XÉNERO

No Festival de Nadal celebrado no centro puidemos ver o vídeo elaborado polo alumnado de 2º Bacharelato e no que participou alumnado e profesorado para actuar contra a violencia machista.

Premios San Clemente

As alumnas do Club de lectura veñen de recoller os exemplares dos finalistas nos Premios San Clemente, organizados polo IES Rosalía de Castro de Santiago de Compostela, para comezar a súa lectura nas vacacións de verán. Parabéns ás afortunadas.

Dúas alumnas formarán parte do xurado de Novela en Lingua Galega:

•     Non hai outro camiño de Isaac Xubín.
•     Nordeste de Daniel Asorey.
•    Todo canto fomos de Xosé Monteagudo.

Dúas farano no de Novela en Lingua Castelá:

•    Esa puta tan distinguida de Juan Marsé.
•    La noche de la Usina de Eduardo Sacheri.
•    Patria de Fernando Aramburu.

E as outras dúas, no de Novela en Lingua Estranxeira:

•    Brújula de Mathias Enard.
•    La guitarra azul de John Banville.
•    Morir en primavera de Ralf Rothmann.

X Xornada dos Clubs de lectura

O sábado 17 de xuño participamos na X Xornada dos Clubs de lectura, celebrada no Palacio de congresos e exposicións de Santiago de Compostela, cun amplo programa de obradoiros destinados ao alumnado participante e actividades para compartir experiencias e lecturas. E nós tamén nos somerxemos na Festa da Lectura.

Para ver máis:

http://etikeles.blogaliza.org/2017/06/19/nas-x-xornadas-dos-clubs-de-lectura/

Entradas en Twitter co cancelo #Xclubslecturagal

Fotografías en Twitter co candelo #Xclubslecturagal

Vídeos en Twitter co cancelo #Xclubslecturagal

Emisións en directo en Twitter baixo o cancelo #Xclubslecturagal

Un dos intres máis emotivos na sesión final con Xabier Díaz & Adufeiras de Salitre

Tertulias literarias

As alumnas do Club de lectura participaron xunto con outros clubs da provincia na tertulia literaria de Ourense coa novela El desorden que dejas de Carlos Montero. Ao finalizar a tertulia tivo lugar o encontro co autor que respondeu todas as cuestións do alumnado.

Día da Muller

Conmemoramos o Día da Muller no IES San Mamede cun paro simbólico e a lectura dun manifesto, pero ademais o alumnado de 2º Bacharelato realizou un traballo de investigación para analizar a situación actual en diferentes ámbitos da sociedade que publicaron no taboleiro da biblioteca.

Día Da Muller

Leer más publicaciones en Calaméo

Día de Rosalía

Para conmemorar o Día de Rosalía nada mellor que o recitado dos seus poemas. O alumnado de 2º ESO como proxecto oral do segundo trimestre e as mozas e mozos de 2º Bacharelato como acto pracenteiro.

Tertulias Literarias

As alumnas do Club de lectura de Bacharelato veñen de participar nas Tertulias literarias organizadas polo Concello de Ourense sobre a novela As horas roubadas de María Solar e no encontro coa autora.

POETIZANDO

A poesía non morde, non fai dano e, aínda que haxa quen pense o contrario, non é aburrida, nin romanticona, nin cursi, nin difícil. E hai moitos tipos de poesía para que elixamos. Fran Alonso.

O alumnado de 2º Bacharelato despide o curso con recomendacións poéticas para o verán e para sempre.

ENCONTRO CON DIEGO AMEIXEIRAS

O alumnado de 4º ESO, 1º e 2º Bacharelato asisitiu ao encontro con Diego Ameixeiras, autor das obras de lectura común do terceiro trimestre na materia de Lingua Galega e Literatura.

ENCONTRO CON YOLANDA CASTAÑO

Organizado en colaboración coa Biblioteca Pública e o Equipo de Dinamización da Lingua Galega, tivo lugar o encontro da poeta Yolanda Castaño co alumnado de 4º ESO, 1º e 2º Bacharelato no Salón Rosalía de Castro.

ENCONTRO CON CARLOS VILA SEXTO

    O día 13 de marzo visitou o noso centro o autor Carlos Vila Sexto para falarnos das súas novelas As sete mortes e Gárgola. Acompañado dunha longa e divertida exposición  foi comentando como comezou a escribir dende cativo, os seus gustos e afeccións, os seus autores preferidos etc… Explicou que á hora de escribir, tanto se inspira en novelas ou películas, como en cómics ou videoxogos. Contounos que el de cativo non só lía, senón que tamén lle gustaba ver moito cine e debuxos animados.

   Despediuse dun xeito especial alentando a todo o alumnado a prestar atención nas clases para poder así ter máis tempo libre na casa e aproveitar para, a quen lle guste, escribir e mostrar ao mundo as súas capacidades. Por último lembrou que, se o desexamos, todos podemos chegar a ser escritores.

 (Cindy Conde Groux, 3º ESO C)

MUSEO DE PONTEVEDRA

O alumnado de 2º Bacharelato achégase ao Museo de Pontevedra para realizar unha visita guiada polo sexto edificio emprazado detrás da igrexa parroquial de San Bartolomeu e do edificio Sarmiento co que comunica. 

As vinte e tres salas de exposición permanente proporcionan un percorrido pola evolución da arte galega dende o gótico ata a actualidade, así como as manifestacións doutros lugares de España, dende os gravados de Goya ata obras de mediados do século XX.

Obviamente, unha parada especial para observar e gozar as obras de Afonso Daniel Rodríguez Castelao.