TARXETAS DE NADAL

 O alumnado de 2º ESO, coas súas postais, desexan un Nadal respectuoso cos dereitos humanos.

NADAL LECTOR

 Na biblioteca xa están á vosa disposición lecturas para as vacacións con recomendacións do profesorado. 

Bo Nadal lector!

A COMPAÑA

 

O alumnado de 2º ESO expón os seus pósters, elaborados en Canva, despois de investigar sobre a Compaña.

CONTRA A VIOLENCIA DE XÉNERO

 

A comunidade educativa do IES San Mamede concéntrase contra a violencia machista.

Concentración 25 N by Chus on Scribd

ARCO DA VELLA

 No mes da Ciencia en Galego, o alumnado de 1º FPB conseguiu crear no laboratorio un arco da vella dentro dunha probeta, guiado polas profesoras Esther González e Maribel Barata. Para isto usaron azucre, colorante (solutos) e auga (disolvente).

Disolucións: arco da vella

                            Vermello (sen azucre): Nika

                            Laranxa (5 culleradas de azucre): Tatiana

                            Amarelo (10 culleradas de azucre): Adrián

                            Verde (15 culleradas de azucre): Ares

                            Azul (20 culleradas de azucre): Luis

                            Anil (25 culleradas de azucre): Hugo

                            Violeta (30 culleradas de azucre): Carlos

 A disolución con máis azucre (violeta), posto que é a máis densa, irá ó fondo. A anil leva menos culleradas de azucre que a violeta, polo que debería quedar por enriba dela. E así sucesivamente. Se vos fixades, o azul queda por debaixo do anil. Isto quere dicir que leva máis azucre que a disolución coa cor anil (puido deberse a que as culleradas ían cheas de máis...).

Agardamos que vos guste!

BIBLIOTECA PÚBLICA

 O alumnado de 1º ESO visita a Biblioteca Pública de Maceda, Francisco Carballo, para coñecer as súas instalacións, recursos e posibilidades que ofrece o seu carné lector, como o acceso a calquera outra biblioteca galega e á plataforma dixital Galicia Le.

 

CONCURSO CALABAZAS LITERARIAS

 O departamento de Lingua Castelá e Literatura convoca un concurso de microrrelatos para a conmemoración do Samaín, no que pode participar o alumnado de ESO, bacharelato e FPB. Anímate e participa!

 

OBRADOIRO DE PODCAST

 O alumnado de 3º ESO participou, o xoves 21, nun obradoiro de podcast impartido por Damián Alonso. Unha actividade do programa Ler conta moito, organizada pola Biblioteca Pública de Maceda.

 

 

OBRADOIRO DE CÓMIC FEMINISTA

 O alumnado de 2º ESO participou, o martes 19, nun Obradoiro de cómic feminista impartido por Ticiana Ghiglione Darriba. Unha actividade organizada pola Biblioteca Pública de Maceda a través do programa Ler conta moito. 

 

DIPLOMAS AO VOLUNTARIADO

 

 O venres tivo lugar o acto de entrega ao alumnado dos diplomas pola participación no programa Voluntariado na Biblioteca Escolar, da Dirección Xeral de Centros e Recursos da Consellería de Educación e Universidade xunta coa Dirección Xeral de Xuventude, Participación e Voluntariado da Consellería de Política Social.

 Parabéns ás alumnas e alumnos.