DÍA DAS LETRAS GALEGAS

RICARDO CARVALHO CALERO

ENTRE UNIVERSO E TINTA

Con Entre universo e tinta [astronomía e poesía, science poetry] a escritora Estíbaliz Espinosa compartiu co alumnado de 3º e 4º ESO que se pode aprender ciencia a través da poesía e valorar a importancia da investigación e do coñecemento tecnolóxico, ámbitos nos que tamén tiveron, teñen e terán un importante papel as mulleres, aínda que haxa que seguir loitando polo recoñecemento e pola igualdade.

 

PENÚLTIMAS TENDENCIAS

Penúltimas tendencias, escrito por Carlos Negro, é un libro de poemas cuxa voz poética é a dunha adolescente que rompe o clixé da adolescencia rosa, contrapóndoa coa das mozas que visten de negro e se rebelan contra todo e contra todos.

O positivo deste libro apréciase na intención do autor de dignificar a muller nuns tempos nos que continuamente nos bombardean con publicidade enganosa e escravizantes estereotipos. Ademais, un arsenal de denuncias de temas que, desafortunadamente, están en auxe, destacando a violencia de todo tipo, a inxustiza, a penosa situación da muller e a manipulación á que estamos expostos. Tamén destaca o feito de ser un libro xuvenil, dirixido a esas mozas que están buscando a súa identidade.

Por outra banda, o autor foxe dunha xeneralización, a da adolescente de rosa superficial e interesada en revistas de adolescentes, en Disney Channel ou na lista de éxitos dos 40 principais, para meterse noutra, a da adoelscente rebelde que pasa de tacóns, maleducada, que "fai cachizas as fotos da infancia", viste de negro e elixe "o vestido máis feo". Pero, acaso para ser fiel a unha mesma, hai que pintar as unllas e as paredes de negro, esnaquizar as fotos ou vestir roupa fea?

Eu penso que non. Unha muller debe buscar a súa beleza, esa que a ela lle gusta, non aos demais. Seguir unha moda non ten nada de malo se se fai porque gusta e non porque todos o fagan. Unha muller non mostra personalidade por vestir de negro, non se trata da roupa, e Carlos Negro limítase ás aparencias: o importante é mostrar que non se é coma as demais. Non obstante, é de agradecer a defensa dos dereitos da muller, presente en todo o libro.

ALBA CARRERA DOVAL, 2º BACHARELATO

DE ROSALÍA E DA MULLER

Pasados os días sinalados para as conmemoracións, 24 de febreiro e 8 de marzo, dende a Biblioteca achégase lectura para saborear con tempo.

Por unha banda, a poesía de Rosalía [82P] e a novela  de Pedro Feijoo, publicada por Xerais, A memoria da choiva [82N], un thriller ambientado en Compostela e que lle dá protagonismo á primeira edición de Follas novas.

Por outra banda, a muller, dende diferentes épocas, funcións e perspectivas, a través da biografía [92] e da historia [94].

CERTAME LITERARIO MARÍA BALTEIRA

O alumnado do IES San Mamede participou no I Certame de literatura feminista María Balteira convocado para os centros de Allariz, Maceda e Xinzo de Limia. 

Na primeira fase foron seleccionados catro traballos, dous relatos e dous poemas, e as autoras asistiron á entrega de premios celebrado o 8 de marzo na Casa da Cultura de Xinzo. A encargada de seleccionar as obras premiadas foi a poeta Marta Dacosta que gabou a participación e a calidade de todas as producións, aínda que só se puidese premiar unha por modalidade e categoría. 

Parabéns a todos os participantes e, especialmente, ás galardoadas: 

Andrea Cid López

Alba González González

María Losada González 

Erika Novoa Conde

CERTAME MARÍA BALTEIRA - presentacion imagenes

RECITANDO CELSO EMILIO

Organizada polo Equipo de Dinamización da Lingua Galega, o IES San Mamede participou na actividade Recitando Celso Emilio o 12/12/12 ás 12 horas.

O Equipo de Apoio da Biblioteca, constituído polo alumnado de 2º ESO A, colaborou coa confección da pancarta para o acto e a biblioteca expuxo as obras do autor homenaxeado, recomendadas especialmente para as vacacións lectoras do alumnado de Bacharelato.

RECITANDO CELSO EMILIO on PhotoPeach

POETIZÁMONOS

Coa lectura de Cidades e o encontro con Fran Alonso a poesía inundou as aulas de 2º ESO e o alumnado compuxo os seus poemas para o libro colectivo Aldeas e vilas.

Open publication - Free publishing - More eso

ENCONTRO CON FRAN ALONSO

Fran Alonso acudiu ao centro para encontrarse coas lectoras e lectores de varias das súas obras: a poesía de Cidades e Poetízate e a narrativa de Cemiterio de elefantes e Cartas de amor.
Para a presentación, Adrián Blanco Blanco, de 2º ESO, creou este vídeo lendo un dos poemas de Cidades.

Aquí algunhas das imaxes do encontro co escritor que nos fixo vibrar coa poesía.