O alumnado de 4º ESO participou no obradoiro de escrita creativa impartido por Ana Abad. Un amplo abano de actividades para romper o xeo, facer quecemento, escribir sen ningunha condición, introducir unha determinada palabra ou crear coa suxestión da música escoitada para finalmente compartir as creacións coas compañeiras/os.
No Salón Rosalía de Castro produciuse o encontro con Berta Dávila que respondeu as preguntas das lectoras e lectores de Un elefante na sala de estar e asinou os seus libros.
Unha charla amena e ilustrativa sobre o proceso creador, os temas, os personaxes e o obxectivo final da súa novela.
.jpg)
O alumnado de 3º e 4º ESO, despois da lectura e posta en común de Un elefante na sala de estar, achega as súas producións para o encontro coa súa autora, Berta Dávila.
Os departamentos de Lingua e Literatura, Castelá e Galega, organizan un percorrido literario polas vilas de Rianxo e A Pobra do Caramiñal para achegarse ás figuras de Castelao, Dieste, Manuel Antonio e Valle_Inclán.
O departamento de Lingua Galega e Literatura organiza un percorrido literario pola vila de Rianxo, berce de tres clásicos das letras do século XX: Castelao, Dieste e Manuel Antonio.
O alumnado do Club de lectura acudiu o xoves pola tarde ao encontro con David Trueba, no Liceo ourensán.
O autor de El río baja sucio, novela compartida nos faladoiros literarios, respondeu todas as cuestións propostas, ampliando os puntos de vista. A contaminación medioambiental, as relacións humanas, a hipocrisía son temas presentes, pero a idea principal que pretende transmitir é que a vida é sucia e cómpre saber nadar para subsistir intentando non aumentar a sucidade existente.
Damián Alonso presenta para o alumnado de 4º ESO e 1º bacharelato o monólogo Stop machismo, homofobia, transfobia e xenofobia. Unha actividade organizada pola biblioteca escolar para o fomento da igualdade e o respecto á diversidade.
Asiste tamén Mª José Garrido, a responsábel en Galicia da asociación Euforia Familias Trans-Aliadas.
O alumnado de 3º e 4º de ESO viaxa a Celanova para coñecer a Casa dos Poetas, a igrexa e claustros do mosteiro de San Salvador e a biblioteca do IES Celanova. Ademais escoita o órgano da igrexa grazas á colaboración da profesora Irma Fernández e recita poemas de Manuel Curros Enríquez e Celso Emilio Ferreiro. E, finalmente, descobre a aula onde se gravou a serie El desorden que dejas de Carlos Montero.
O alumnado de 4º ESO analiza, da man de Beatriz Lema, as imaxes empregadas nos medios de comunicación para representar as persoas. A actividade, integrada no programa Ler conta moito, desenvolveuse na biblioteca pública de Maceda.
