DÍA INTERNACIONAL PARA A ELIMINACIÓN DA VIOLENCIA MACHISTA

 

  Un ano máis, é urxente e necesario poñer de manifesto esta lacra que magoa a nosa sociedade dende idades temperás como ilustran os datos. Na biblioteca  expóñense fondos para coñecer e desmontar os negacionistas e o alumnado de 3º ESO expón as súas cantigas neotrobadorescas por un amor san sen maltrato.

CONTRA A VIOLENCIA DE XÉNERO

 

A comunidade educativa do IES San Mamede concéntrase contra a violencia machista.

Concentración 25 N by Chus on Scribd

IGUALDADE

Chegou ao centro a maleta do I Plan de actuacións para a Igualdade nos centros educativos de Galicia 2016-2020, a petición do profesora Cristina Asenjo, coa selección de obras axeitadas e moitas das cales podemos atopar na nosa biblioteca.

 

CONTRA A VIOLENCIA DE XÉNERO

Conmemoramos o Día contra a violencia machista. Estas son algunhas das iniciativas que levamos a cabo.

Iniciativa do alumnado colaborador da Biblioteca de 1º Bacharelato

 

CONTRA A VIOLENCIA MACHISTA

O alumnado de 4º ESO elaborou na sesión de Titoría uns cartaces para loitar contra a violencia de xénero.

E nun obradoiro organizado polo departamento de Orientación unha performance para amosar nos actos organizados polo Concello.

PARA A VIOLENCIA DE XÉNERO

Ler e actuar son dúas accións que favorecen a eliminación da violencia de xénero. A biblioteca achega fondos que nos axudan a coñecer a problemática, a reflexionar e a actuar en consecuencia.

Imaxes

DÍA CONTRA A VIOLENCIA DE XÉNERO

A violencia de xénero é unha das lacras da nosa sociedade sobre a que cómpre que as e os adolescentes reflexionen. Con esta intención, algunhas das lecturas comúns programadas, como A lagoa das nenas mudas de Fina Casalderrey ou "Tan lonxe, tan preto" en Endogamia 0.2 de Ramón Caride; pero tamén as producións do alumnado, a cartelería e as campañas para manifestarse a través das redes sociais.