O alumnado de 3º e 4º de ESO viaxa a Celanova para coñecer a Casa dos Poetas, a igrexa e claustros do mosteiro de San Salvador e a biblioteca do IES Celanova. Ademais escoita o órgano da igrexa grazas á colaboración da profesora Irma Fernández e recita poemas de Manuel Curros Enríquez e Celso Emilio Ferreiro. E, finalmente, descobre a aula onde se gravou a serie El desorden que dejas de Carlos Montero.
