NON Á VIOLENCIA DE XÉNERO

 O alumnado de 3º ESO crea cantigas, imitando os trobadores medievais, para expresar o desexo dun amor san, sen violencia, sen control, sen posesión.

Club de lectura

Reúnese o Club de lectura Pasamos Páxina para iniciar a lectura de Golpes de luz de Ledicia Costas, obra elixida para as Tertulias literarias do Concello de Ourense que agasalla ao alumnado con cadanseu exemplar.

Lecturas de medo

O alumnado de 2º ESO leu as súas historias de medo, realizadas na clase de Lingua Castelá e Literatura.

 

Visita á biblioteca pública

 O alumnado de 1º ESO coñece a biblioteca pública Francisco Carballo de Maceda da man de  Avelina Losada, a bibliotecaria, que lles explica os servizos ofertados e as vantaxes do carné lector.

Voluntariado na biblioteca

 

Xa está aberto o prazo para apuntarse no programa de voluntariado da biblioteca. Podes participar en variadas actividades:

• Na xestión de documentos
• Na dinamización dos fondos
• No equipo de redacción da revista Esparaván
• No grupo de teatro Dramamede
• Na sección de encadernación

Crea o teu relato!

 O alumnado de 3º ESO gozou co obradoiro de creación narrativa impartido por Andrea Barreira Freije, unha actividade do programa Ler conta moito. 

Aprende a ler en voz alta!

 O alumnado de 2º ESO participou activamente no obradoiro para aprender a ler en voz alta, impartido por Damián Alonso e inserido no programa Ler conta moito.